KOMUNIKAZIOA. Euskarazko saio komuna Hala Bedik eta Tas-Tasek

IRRATIA. Datorren astelehenetik aurrera Hala Bedi eta Tas-Tas irrati libreek elkarrekin egingo dute Zebrabidea euskarazko magazinea. Orain arte Gasteizko irratiak ekoizten eta emititzen zuen saioa, baina hemendik aurrera Tas-Tasek ere parte hartuko du programan. Astelehenetik ostiralera emanaldi komuna egingo dute 16:00etatik 18:00etara. 18:00etatik 19:00etara, berriz, irrati bakoitzak bere bidea egingo du. Besteak beste, artea, euskarazko blogak, sexua, antzerkia, musika eta zinema landuko dituzte.