KOMUNIKAZIOA. Felipe eta Letiziari koroa kendu die Viriato gerrilariak

TELEBISTA. Programazio gerra gisa antolatu zuten astelehena Tele5k eta Antena3ek. Lehenak Espainiako errege familiako kideen inguruko Felipe y Letizia telesail laburra eman zuen egunean, bigarrenak erromatarren kontra borrokaturiko Viriato gerrilariari buruzko Hispania estreinatu zuen. Viriatoren istorioa gailendu zen Espainian, bi puntuz. EAEn, ikusle kuotaren 19,6 lortu zuen Antena3en produktuak, eta 18,4, Tele5renak; Espainian baino 4 eta 3 puntu gutxiago, hurrenez hurren.