Kataluniako hauteskunde gauaren berri Berria.info-n jakin ahalko da bihar, 20:30etik aurrera. Orain arte, BERRIAren webgunean zuzeneko kontakizunak Twitter bidez eta Cover It Live programarekin egin dituzte. Bihar, berriz, Berriketan.info sare sozialaren bidez egingo dute, aurrenekoz.
Ane Urrutikoetxea kazetariak egingo du kontaketa Bartzelonatik, CIUren hauteskunde gaueko egoitzatik. Majestic hotelean izango den giroaren berri emango du, hain zuzen ere. Horrez gain, Berriketan.info-ko Kataluniako hauteskundeak taldean azken egunetan aritu diren adituek parte hartuko dute, iritzi eta analisiekin. Besteak beste, Martin Aranburu, Jose Mari Pastor, Maria Colera eta Aitor Arruti arituko dira analisiak plazaratzen.
Beste kontakizun batzuekin alderatuta, berrikuntza garrantzitsu bat ere bada: edonorentzat irekia izango da Interneteko emankizuna, eta jendeak parte hartzeko aukera izango du, bere iruzkin edo iritziekin. Adituei galderak egiteko modua ere izango dute internautek.
Berriketan.info-k eskuinekoalboko zutabea bete ohi du Berria.info-ko lehen orrian. Bihar gauean, berriz, toki nagusian egongo da.
Ez da hilabete igaro Berriketan.info sare soziala martxan jarri zenetik eta dagoeneko 380 lagunek bainogehiagok erabiltzen dute. «Sare sozialen munduan toki bat izan dezakegula ikustea oso positiboa da», adierazi du Jon Ordoñez Berriketan.info-ko arduradunak.
KOMUNIKAZIOA. Kataluniako bozen berri emango du bihar 'Berria.info'-k
'Berriketan.info' sare sozialaren bitartez egingo dute kontaketa, eta adituen iritziak jasoko dituzte
Iruzkinak
Ez dago iruzkinik
Ordenatu
