KOMUNIKAZIOA. Seinalea zabaltzeko kanpaina egingo du Info7k

IRRATIA. Urtarrilean bost urte beteko ditu Info7 irratiak, eta datozen asteetan Geroz eta gehiago kanpaina jarriko du martxan. Seinalea gero eta leku gehiagotara helarazi nahi dute, eta herrietara joko dute horretarako. Hala, Info7ren aldeko egunak antolatuko dituzte. Asteburu honetan, Otxandion egin dute ekitaldia, eta datozen asteetan, hainbat herritara joango dira. 1.700 bazkide ditu egun Azti-Begia elkarteak; kopuru hori handitzea izango da kanpainako helburuetako bat. Programazio osatuagoa egin nahi dute, bide batez.