Soldata oso handiak zituzten zuzendaritzako bi kide kaleratu ditu BBCk aste honetan: Mark Byford zuzendari nagusiaren ondokoa eta Sharon Baylay merkadoteknia eta komunikazioko zuzendaria. Byfordek urtean 575.000 euro irabazten zituen, eta Baylayk, 351.832 euro. Horrez gain, zuzendaritza taldean aldaketa gehiago egingo ditu BBCk. Iparreko BBCko Peter Salmonek eta giza baliabideetako zuzendari Lucy Adamsek ez dute jarraituko euren karguan, eta katearen «batzar operatibo» berri bateko kide izango dira.
Kaleratze eta aldaketa horiekin, BBCk bere zuzendari beteranoenen soldatak %25 murriztu nahi ditu urte amaierarako.
KOMUNIKAZIOA. Zuzendariaren ondokoa eta komunikazioko burua kaleratu ditu BBCk
Zuzendaritzako kideen soldatak %25 murriztu nahi ditu Erresuma Batuko telebistak urte amaierarako
Iruzkinak
Ez dago iruzkinik
Ordenatu
