Kopla operazioa

BERRIAko ikerketa sailak Espainiako Barne Ministerioko bi funtzionariori grabatutako telefono elkarrizketa)

— Aizak, Miguel, zer moduz kopla operazioa? Bake madarikatu honek sekulako indarra emango ziek batasunoei, eta goikoak kirioak dantzan zabiltzak. Marianoren jendearekin ere hitz egin diagu, eta ahalegin berezi bat eskatu zigutek.

— Ba, kopla operazioak primeran zoak, guk uste baino askoz ere hobeto.

— Benetan?

— Bai, motel! Aurrerapen itzelak egin ditiagu azken egunotan!

— Hori sekulako duk!

— Adi, Julian, adi… Manoloren kontzertuaz gain Isabelena ere lortu diagu!

— Tumatxa!

— Non eta Euskalduna jauregian! Eta euskaraz ere kantatuko ditek; horrek emango ziek minik handiena!

— Ostia, hi, negar egiteko zorian nagok, Miguel! Irrikan nagok Manolo Bilbon kantatzen ikusteko… «gurdia lapurtu zidateannn, bart lo nengoelaaaa». Eta Isabel handia…

— Paquirrin eta guzti…!

— Bake prozesua txikituta zagok, Manuel! Amua irentsiz gero —eta irentsiko ditek— ez zagok munduan Kofi Annan-ik txikizio hau konponduko duenik.

— Zoritxarrez, ez gaituk hauteskundeetarako iritsiko. Manolorena azaroaren 20an bertan izango duk, eta Isabelen bi kontzertuak abenduaren 8 eta 9an. Hori bai, Telecincok grabatuko ditik Gabonetan emateko.

— Berdin dik. Garrantzitsuena zera duk, lehenago edo geroago ETAk erantzun egingo diola gure jokaldiari eta agur ditxosozko bakeari… Ez al zuten urratsik nahi? Ba, to urratsa!

(Erredakzioan itzulia)