Historian lehenengoz egingo du Ozeano Artikoko ipar-mendebaldeko bidea turistentzako ontzi handi batek. Orain arte, nazioarteko merkataritzako ontziek erabili izan dute bidea, baina bidaiarientzako ontzi batek Artikoa gurutzatuko duen lehen aldia da. Alaskatik New Yorkerako bidea egingo du 'Serenity' transatlantikoak; 13.000 kilometroko ibilbidea osatzeko, 32 egun beharko ditu ontziak.
Ipar-mendebaldeko bidea lehenengoz egin zuen esploratzaileak ia hiru urte behar izan zituen. Roald Admunsen norbegiarrak lortu zuen Artikoa gurutzatzea, XX. mende hasieran. Hiru urtetan, behin baino gehiagotan gelditu zen izotzetan trabatuta. Orain, luxuzko transatlantiko batek egingo du hark egin zuen bidea.
Bidaia hau egin ahal izateko, ur izoztuetan aritzeko egokitu dute ontziaren egitura, eta uneoro berrituko dute eguraldiaren eta itsasaldiaren iragarpena. Gainera, helikoptero batek zerutik jarraituko du Artikoko bidaia.
