Lemur espezie ezezagun bat aurkitu dute

Gerpeko lemur arratoia izena jarri diote Madagaskarren aurkitu duten lemur espezie ezezagun bati. 68 gramo besterik ez du pisatzen lemurrak; «erraldoi bat», Goodmaneko lemur arratoiarekin alderatuz gero (30-35 gramo). 2008-2009an aurkitu zuten Gerpeko lemurra, Sahafina inguruan, baso tropikal batean. Espezie ezezaguna (sailkatu gabea) dela berretsi, eta sailkatu dute dagoeneko. Primates aldizkariak ematen du espeziearen ezaugarrien xehetasunak.