Alexander Milov Ukrainako artista ezaguna da, eta Darth Vader Star Wars filmetako antagonistaren omenezko monumentua egin du Odesa herrian. Horretarako, Vladimir Leninen estatua bat moldatu du. Monumentua herriko lantegi bateko lurretan zegoen, eta eraitsi behar zuten deskomunizazio legeagatik. Ukrainako Parlamentuak apirilean onartu zuen lege hori, eta, alderdi komunistak debekatzeaz gain, Sobietar Batasuneko ikurrak kentzeko kanpainia abiatu zuen.
Hala ere, lantegiko beharginak eta inguruko bizilagunek estatua salbatu nahi zuten. Horregatik proposatu zuten iraultzaile komunista Darth Vader Inperioko Indarren goi komandate bilakatzea. Pertsonaia horren omenez munduan dagoen estatua bakarra da Odesakoa.
