Marteko Valles Marineris arroilaren irudi ikusgarria

GEOLOGIA. Mars Express zundaren datuekin, Marteko Valles Marineris arroila berreraiki du Europako Espazio Agentziak, goitik begiratuta osatutako irudi ikusgarri batean. Eguzki sistemako arroila handiena da Valles Marineris. 4.000 kilometro luze eta 200 zabal da, eta hamar kilometrora arteko sakonera du. Coloradoko arroila halako hamar da luzeran, eta halako bost sakoneran.