Bigarrengo aldiz egingo dute aurten Irungo Ficoba erakustazokan (Gipuzkoa) Stock feria. Otsailean egin zuten lehenengoa, eta bigarrena asteburu honetan bertan egingo da; bihar hasi eta igandera bitartean, 25 erakusketari bilduko dira.
Ficobako bigarren pabiloia beteko dute erakusketariek: 1.500 metro koadro baino gehiago dituen eremua erabiliko dute. Lehen markako produktuak erosi ahal izango dituzte bertara joaten direnek; besteak beste, moda produktuak, oinetakoak, kiroletako material, larruz egindako produktuak eta etxerako objektuak izango dira salgai. Produktu batzuetan, gainera, %80rainoko beherapena egingo dute.
Bihar, arratsaldez irekiko dute bakarrik azoka: lauretan hasi eta bederatziak arte. Larunbatean eta igandean, berriz, egun osoz egongo da irekita. 11:00etatik 21:00etara larunbatean, eta 11:00etatik 20:00etara igandean. Bi egunetan, etenik gabeko ordutegian.
Sarrerak bi euro balio du, baina doan sartu ahal izango dira 10 urtetik beherako gaztetxoak.
STOCK AZOKA
Non. Irungo Ficoba erakustazokan (Gipuzkoa).
Noiz. Bihartik igandera.
Asteburuko proposamenak
Maukarik onenak lortzeko asteburua
Irun. Stock azokan 25 erakusketarik parte hartuko dute, eta %80ko deskontuak ere izango dira
Iruzkinak
Ez dago iruzkinik
Ordenatu
