Maule eta Atharratze lotuko dituzte igandean

ATHARRATZE. Herriko inauterien harira, lasterketa antolatu dute Maule eta Atharratze artean igande honetarako. 09:00etan abiatuko da oinezkoen lasterketa Mauleko plazatik —hamahiru kilometro egin beharko dituzte—. Korrika ariko direnak 09:30ean abiatuko dira, eta hamabost kilometro egin beharko dituzte. Atharratzeko plazara iritsiko dira guztiak. 11:30ean sariak banatuko dituzte.