Mendiexpo, aditu eta publiko zorrotzagoentzat

IRUN. Mendiexpo, mendiaren inguruko zazpigarren azoka, urriaren 30ean, 31n eta azaroaren 1ean egingo dute, Ficoban. Ekitaldi erraldoia izateko helburuarekin, publiko adituago eta zorrotzago batentzat moldatu dute egitaraua. Bisitarien eta profesionalen arteko informazio trukea bultzatzeko, berrikuntza bat prestatu dute: 40 minutuz aditu batekin hainbat gairen inguruko ikuspuntuak trukatzeko aukera egongo da, kafe batez lagundurik. Punta-puntako hainbat mendizale izango dira azokan, hala nola Adam Ondra, Cory Richards eta Alex Txikon.