Mexikoko Yucatan penintsulako etxalde batean baino gehiagotan topatu dute lauburua, hormetan zizelatuta. Uxmal etxaldean topatu zituen lauburuak Byron Augustinek, aurreneko aldiz, 2015ean. Utzita dagoen etxaldearen sarrerako posteetan daude. Byron Augustinen datuen arabera, baserri hori duela 350 urte eraiki zuen, Lorenzo Evia izeneko euskaldun batek.
Lauburuak zer ziren jakin aurretik topatu zituen bigarrenak. Mexikoko Merira hiriaren kanpoko aldean dagoen Yaxcopoil baserrian topatu zituen, sei lauburu, ateen gainean zizelkatuta. Zer ziren jakin nahian zebilela, lagun batzuek esan zioten Cenotillo inguruetan bazirela halako sinbolo gehiago, baztertutako baserri baten sarrerako posteetan.
Byron Augustin ikertzen hasi zen, eta Yucatanliving.com atarian argitaratu ditu bere ikerketaren ondorioak, hiru artikulutan. Lauburuen irudiak jasotzen ditu, eta euskaldunen historia kontatzen du.
