Hogeita bost urtean aritu zen Iñaki Salvador musikaria Mikel Laboarekin batera lanean. Pianoarekin laguntzen zion kantariari poesiak lantzen. Orain, Laboaren musikaren zati bat interpretatzen du, hirukotean eta jazz ukituekin. Salvadorrek soilik ezagutzen zuen Laboa behar beste, horrelako lan bat egiteko. Eibarko Coliseo antzokian arituko da gaur, 20:30ean.
Jazz ukitua eman die Salvadorrek Laboaren kantuei, gustukoen duen eta hobekien moldatzen den eremura ekarriz, alegia. Besteak beste, ondoko abestiak moldatu ditu: Ihesa zilegi balitz abestiaren bertsioa, Ihesa, nahasten du Denbora ez da luzea kantarekin; Txoria txori delakoaren inguruko zenbait bat-bateko; edota albuma ixten duen Baga, biga, higa-ren hainbat aldaera. Azken horretan, Oteizaren hitzak errezitatzeko saioan, Laboaren ahotsaren gainean berriro pianoa jotzen du. Lekeitioak abestietako hainbat pusketa berrerabiltzen ditu, eta argitaratu gabeko zatiren bat gehitzen die.
Salvadorrek ez du egin nahi bertsio erraz eta atsegingarririk; Laboaren obrarekin aurrez aurre topatzeko giroak sortzen saiatzen da. 25 urtean kantautorearekin lan egin izanak lagundu egin dio lan musikalean; baina emozioen aldetik zailagoa suertatu zaio, Laboari gordetzen dion errespetua handia baita.
LILURARIK EZ
Gaur, 20:30ean. Iñaki Salvador musikagile eta pianista, Mikel Laboarekin solasean.
Mikel Laboarekin solasean
Iñaki Salvadorrek ongi ezagutzen zuen Laboa; haren musikaren zati bat interpretatzen du jazz ukituarekin, hirukotean
Iruzkinak
Ez dago iruzkinik
Ordenatu
