Kultur sorkuntzaren komunikazioari eta transmisioari buruzko jardunaldiak izaten ari dira Jalgi plaza ibiltariaren ardatza. Aiaraldea eskualdean egiten ari dira, maiatzaren 23tik 29ra.
Egun horietan, 70etik gora kultur jarduera egingo dituzte, baina emanaldi zerrendatze batetik harago joateko bokazioa azaldu dute. «Ez genuen egin nahi ikuskizun errenkada bat, baizik eta euskal kulturaren komunikazioaren eta transmisioaren inguruko gogoeta saio zabal bat», adierazi zuen atzo Gotzon Barandiaran idazle eta antolakuntza taldeko kideak.
