Beste hainbat murrizketarekin batera, Nafarroako Parlamentuak Ikus-entzunezko Kontseilua kentzeko foru legea onartu zuen atzo. UPN, PSN eta PPren aldeko botoekin onartu zuten. Kontra bozkatu zuten Bilduk, Nafarroa Baik eta Ezkerrak. Nafarroako Gobernuko bozeramaile Juan Luis Sanchez de Munianek adierazi du kontseiluak urtean 600.000 euroko kostua zuela.
Nafarroako Ikus-entzunezko Kontseiluko ordezkariek, berriz, gogorarazi dute hainbat kontu konpondu gabe daudela eta erakundea desagerraraztean betetzeke geldituko direla. Kontseiluak uste du beharrezkoa dela ikus-entzunezko sektorearen diagnostiko oso bat egitea, ahultasun eta indarguneak aurkitu eta hartu beharreko erabakietan laguntzeko. Kontseiluak ekimen legegile bat proposatu zion Nafarroako Gobernuari publizitate instituzionala arautzeko, eta oraindik ez da lege proiekturik onartu. Kontseiluaren arabera, bestalde, ETB Nafarroan LTD bidez jasotzearen aferak konpondua behar zuen aspaldi. Alfabetatze mediatikoan kontseiluak egiten zuen lana umezurtz geldituko da. Eta hedabideen kontsumo gida bat ere amaitu gabe gelditu da.
Komunikazioa
Nafarroako Ikus-entzunezko Kontseilua desagerrarazi du parlamentuak
UPN, PSN eta PPren aldeko botoekin onartu dute foru legea; Bilduk, NaBaik eta Ezkerrak kontra bozkatu dute
Iruzkinak
Ez dago iruzkinik
Ordenatu
