CIC Nanogunek, Adegik eta nanoBasque agentziak bigarren aldiz antolatu zuten atzokoan nanoBusiness tailerra. Gipuzkoako hainbat sektoretako enpresetako ordezkariek parte hartu zuten. Euren produktu eta fabrikazio prozesuetan nanozientziaren aurrerapenen ekarpenak dituen abantailak ezagutzeko aukera izan zuten. Halaber, nanoteknologiaren alorrean sortzen diren negozio aukeren berri izan zuten.
Pedro Miguel Etxenikeren irekierako hitzaldiaz gain, Jose Maria Pitarke zentroko zuzendariaren eta NanoBasque agentziaren ordezkarien hitzaldiak ere entzun zituzten. Halaber, nanoteknologiaren eremuan aurrerapenak ezarri dituzten enpresetako ordezkariek euren esperientziak kontatu zituzten. Graphenea, Maier eta GKN Driveline izan ziren tailerrera gonbidatutako etxeak.
Nanoteknologia, enpresen lehiakortasuna areagotzeko giltza
Iruzkinak
Ez dago iruzkinik
Ordenatu
