NASAren satelitea bihar eror daiteke Lurrera

Autobus baten neurriak dituen satelite bat Lurrera eroriko da datozen orduetan. Hala ohartarazi du AEBetako agentziak. Lurreko biztanleentzat apenas dagoen arriskurik, beti NASAren arabera. 5.675 kiloko satelitea txikitu egingo da atmosferaren aurka jotzen duenean, Kanadako iparraldeak eta Hego Amerikako hegoaldeak mugatzen duen eremuan. Adituek diotenez, satelitearen 26 pieza handi osorik eroriko dira Lurrera. 3.200 aukeretatik bakarra omen dago pertsonaren bat zauritua gertatzeko.