Neguaren zuritasuna irakurleen begietatik

Euskal Herria elurpean bizi da egunotan. Hotzak eragozpen ugari sortu ditu toki askotan, batez ere mugikortasunari dagokionez. Baina, eragozpenak eragozpen, zalantzarik ez da neguaren zuritasunak xarma berezia eman diela bazter eta txoko askori, irudiek erakusten duten legez. Herri eta hirietako paisaiak aldatu ditu elurrak, eraikinak, autoak eta beste estalki zuri batez estaliz. Dena da zuria egunotan. Belardiek izan ohi duten berdetasuna galdu dute zuriaren mesedetan. Elur malutak, euren bidea egin, eta nonahi erori dira: teilatuetan, zuhaitzen adaxketan, lore orrietan, autoen beiretan... Neguak bere aurpegi oldarkorrena erakutsi du, eta aspaldian ikusi gabeko zeropeko tenperaturak izan dituzte termometroek. BERRIAren irakurleak neguaren lehen zartadaren lekuko zuzenak izan dira. Denboralearen haien ikuspegia da ondoko bilduma. Elurrak eta izotzak utzitako arrastoa harrapatu dute kamerekin.