Beldurrezko generoan klasiko paregabea da The Shining, Stanley Kubrick zinemagilearen (Paths of Glory, A Clocwork Orange) lanik ezagunenetakoa. Eskizofreniaren aurpegi beldurgarria aurkezten zaigu; Jack Nicholsonen aurpegia, hain zuzen. Zinez Nicholsonek ikuslea estutzea lortzen duela. Estutasuna sortzen du, aldi berean, mendi artean bakartutako hotel bakartiak. Protagonistaren semea triziklo txiki batean korridore luzeetan doa. Eta, bat-batean, hilda dauden bi neskak esango diote: «Etorri gurekin jolastera!».
Kultuzko filma bilakatu da denborarekin The Shining. Esan beharra dago Stephen Kingen eleberriak bazuela suspensea, baina beste zuzendari baten eskuetan oharkabean pasatuko zela ziurrenik. Kubrickek, berriz, giro eta atmosfera itogarria sortzea lortzen du hotelean. Irudiak ez dira nolanahikoak. Eta ederki planifikatutako gidoiak oso ondo funtzionatzen du.
Jack Torrancena Nicholsonen pertsonaia beldurgarrienetako bat da, bere ibilbidean urrezko hizkiekin gelditu den horietakoa. Inork ez zuen hobeto egingo.
Aipatzekoa da, halaber, Donostiako Zinemaldia desagertzeko arriskuan izan zela 1980. urtean, eta film horren inguruko publizitateak neurri batean salbatu zuela.
Urtzi Urkizu
############
El resplandor
ETB2, 23:45. Zuz.: Stanley Kubrick. Akt.: Jack Nicholson, Shelley Duvall, Danny Lloyd, Scatman Crothers, Barry Nelson, Philip Stone, Joe Turkel.146 min. AEB, 1980.
############
Nicholson ero beldurgarria hotel bakartu batean
Iruzkinak
Ez dago iruzkinik
Ordenatu
