Ohrai pneumoniak jota hil da Japoniako hego mendebaldeko Miyazaki prefekturako ospitale batean. Irudigilea 1935. urtean jaio zen Akashin, herrialdeko mendebaldean. Egunkarietako iragarki eta liburentzako irudiak egiten hasi zen lanean Ohrai. Berezko estudioa sortu zuen 1974. urtean, eta hurrengo hamarkadan egin zituen haren lanik ezagunenak. Star Wars V: Inperioaren kontraerasoa filmaren promozio kartela egin zuen 1980. urtean. Horrez gain, publikatu zituen Godzilla Japoniako munstrorik ezagunenaren zortzi filmetako kartelak eta baita The Goonies-ena ere bai.
Bideojokoen munduan ere lan garrantzitsuak egin zituen Ohraik. Hala nola, parte hartu zuen Metal Gear Solid eta Nobunaga's Ambition jokoetan. Japoniako irudigilearen heriotzak sona handia izan du mundu osoan. Twitterren egun bakar batean haren izena eta ilustrazioak zituzten 2.600 mezu idatzi dituzte.
