Okondo, eskualdeko trikitilarien topaleku

OKONDO. Eskualdeko trikitilarien I. topaketa egingo dute igande honetan Okondon (Araba), 10:30ean hasita. San Bartolome plazan elkartu, eta kalejiran ibiliko dira, musikariak hauspoa eta panderoari eraginez. Eguerdian, elkarretaratzea egingo dute, eta egun osoan zenbait doinuren erakustaldiak, lunch-a eta opari banaketak izango dira.