OMENALDIA EHUN URTEKO ERAIKINEI

Juan Karlos Izagirre Donostiako alkateak omenaldia egin zien atzo aurten ehun urte bete dituzten hiriko bost eraikinei: Maria Cristina hotela, Viktoria Eugenia antzokia, Igeldoko funikularra, topoaren geltokia eta La Perla bainuetxea. Urte barruan ere antolatu dituzte hainbat ekitaldi eraikin horien urteurrena ospatzeko. Esaterako, bisita gidatuak egin dituzte udan, eraikinen historia ezagutzeko. Viktoria Eugeniaren inguruko erakusketa bat ere antolatu zuten.