Gauzak hasieratik argi uzteko, «ezaugarri berriak lortzearren kanpoko geneak erantsiz eraldatutako organismo biziei» esaten zaie transgeniko. Ez dira azken orduko kontua, aurreneko landare transgenikoa 1983an sortu edo ekoitzi baitzen, eta hamar urteren buruan hasi zen eskala handiko transgenikoen produkzioa. Gure artera 1998an iritsi ziren, baina gaur egun Europan kontsumitzen diren transgenikoen % 80 hemen landatzen dira.
Produkzioan, banaketan, eta gainerako sektoreetan legeriak ezarritako baldintzak betetzea izango litzateke aurreneko eskakizuna. Ez da ahaztu behar bere osagaien % 0,9tik gora transgenikoak dituzten janari-edarietan etiketan horren berri emateko obligazioa dagoela gaur egun. Gutxieneko baldintza horiek betez gero, eta kontuan hartuz transgenikoak, beren jatorrian bertan, onura edo mesedea ekarriko duen ezaugarri bat (adibidez, izurriteei aurre egingo dien arto-barietate bat) lortzeko genetikoki eraldatuak izandako organismoak direla, ez legoke aparteko errezelorik elikagai transgenikoak kontsumitzeko.J. AGIRRE
OSASUNA. Transgenikoak seguruak al dira?
Iruzkinak
Ez dago iruzkinik
Ordenatu
