Bihar hasi eta asteburu osoan bestak ospatuko dituzte Hendaian, Bixintxoak. Arratsean, Pelloten itzultzearen desfilea eginen dute; hura abiatu eta gutxira, 19:00etan, herriko etxeko balkoian bestak irekiko dituzte. Ordubete berantago, patata tortillen lehiaketaren emaitzak jakinarazi eta zintzur bustitzea izanen da, festa giroa herriko karriketan barna hedatzeko.
Larunbata eta igandea askotariko ekitaldiz beterik datoz. Edonola ere, Baleak elkarteak antolaturiko danborradarekin lotuta izanen dira ekitaldi guztiak larunbatean, danbor hotsak zabaltzeko eguna izanen da inondik ere.
Hurrengo goiza txistu hotsarekin ernatuko da. Bidasoa kantuz, Hendaiako sagarnoaren aurkezpena, musika taldeak... Jai giroa hauspotzeko ekitaldiak ez dira faltako karriketan. Gehiago nahi duenak hurrengo asteburuaren zain gelditu beharko du. Ostiraletik igandera berriro ere musika eta besta izanen da nagusi.
BIXINTXO BESTAK
Noiz. Asteburu honetan eta hurrenean.
Non. Hendaian (Lapurdi).
Asteburuko proposamenak
Pelloten itzultzearekin lehertuko dira bestak
Hendaia Bixintxoak ospatuko dituzte asteburu honetan eta hurrenean, herriko jai nagusiak
Iruzkinak
Ez dago iruzkinik
Ordenatu
