'Perurena' dokumentala gaurtik 'Eitb.com'-en

INTERNET.Perurena, Jon Garañok zuzendutako dokumentala, EITB.com webguneak estreinatuko du, gaur, esklusiban. 21:00etatik aurrera ikusi ahalko da Interneten. Moriarti ekoizpen etxeak EITBrentzat gauzatu duen proiektu bat da Perurena. Iñaki eta Inaxio Perurena harri-jasotzaileen inguruko lan horretan Andres Osa Sakona, Iñigo Goñi eta Jon Leunda kazetarien hitzak jaso dituzte, baita Migeltxo Saralegi harri-jasotzailearenak ere. Aitaren eta semearen arteko harremana du oinarri dokumentalak.