AEBetan leku publikoetako komunak haurrei pixoihalak aldatzeko tokiekin hornitu beharko dituzte, Barack Obamaren gobernuak onartutako lege baten aginduz. Bereziki, gizonezkoen komunei begira eginiko lege bat da, emakumezkoenetan izaten baitira haurrak aldatzeko lekuak. Euskal Herrian ez dago hori kudeatzen duen araurik, eta pixoihalak aldatzeko egiturak izatekotan, emakumezkoen komunetan daude soilik. Gai zehatz horren inguruan oihartzuna izan duen aldarrikapenik ez da egon, baina hainbat gurasok garrantzitsua dela uste dute, gizon ala emakume izan, leku publikoetan haurra aldatzeko eremu higienikoak eduki ahal izatea. Gai horri buruzko artikulua argitaratuko du bihar BERRIAk Bizigiro gehigarrian.
Asteburuko proposamenetan, Mutxikoen Guinnes World errekorra egingo dute igandean Lezon, Gipuzkoako parketxe sarearen bost plan asteartera bitarte, garagardo azoka Angelun, Lore Jokoak Mungian... Gastronomia atalean, berriz, Enrique Fleischmann Bidania-Goiazko Bailara jatetxeko sukaldaria.
Hotzarekin batera agertzen diren ospelei buruz ere hitz egingo dute Jorge de Soto medikuak eta Maialen Sarasola sendabelarretan adituak.
