Plater beganoak dastatzeko aukera gaur Donostian

Sukaldea kalera aterako dute gaur Askekintza Animalistak taldeko kideek Donostian. 11:00etan hasi, eta janaria bukatzen den arte, plater beganoak dastatzeko aukera eskainiko diete Bulebarrera gerturatzen direnei. Bederatzi pintxo mota prestatuko dituzte eta doan emango dituzte. Beganismoari buruzko informazioa ere banatuko dute. Izan ere, beganismoa ez da jateko ohiturekin loturiko hautua soilik, animalien eskubideak errespetatuz bizitzeko hautu etikoa baizik.