Protagonisten zuzeneko lekukotasunak

Pelikulak dira zinemaldi ororen ardatza, baina ikus-entzunezkoek adina garrantzia izaten dute protagonisten lekukotasunek. Gonbidatu zerrenda zabala prestatu du Mendik: Simone Moro, Dean Potter, Silvo Karo, Carlos Suarez, Sean Lery... Izen dantza horretan emakume bi nabarmendu behar: Gerlinde Kaltenbrunner eta Ines Papert. Hilaren 17an, larunbata, izango dira Papert eta Kaltenbrunner Gasteizen, emakumeari eskainitako egunean. Haien emanaldiekin batera, beste film interesgarri bi eskainiko dituzte: Kataluniako emakume mendizaleen testigantzak biltzen dituen Encordades eta Kukuczka. Azken horretan, duela 22 urte hildako Jerzy Kukuczkari buruzko gogoeta egiten dute hainbat mendizalek, baita haren emazte Celina Kukuczkak ere.