ROCK UKABILKADAK GASTEIZEN

U.K. Bill rock taldeak kontzertua emango du gaur Gasteizko Parral tabernan, 20:30ean. 2005. urtean sortu zen taldea Utikan, Asgarth eta Lauroba taldeetako jendea bilduz. Estreinako diskoa bi urte geroago plazaratu zuen Añorgako (Gipuzkoa) taldeak, Añorghetto zigiluaren bitartez. Iaz, Paradisu sekretua diskoa kaleratu zuten, hamahiru kantuz osatua. Hilabete amaieran atsedenaldi bat hartuko dute, kanta berriak prestatzeko eta disko berria osatzeko.