Sagardo Eguna egingo dute gaur Euskal Jaietan

ORDIZIA. Gipuzkoako Sagardogileen Elkarteak eta Ordiziako Udalak Sagardo Eguna antolatu dute gaurko, herrian egiten ari diren Euskal Jaien barnean. Plaza Nagusian 11 sagardotegitako edaria dastatzeko aukera izango da, 18:30etik 21:00etara bitartean. Bakailao tortilla, txorizoa eta gazta ere ez dira faltako. Edalontzia 3,5 euroan eskuratu ahal izango da.