SAGARDO EGUNA, LEHENGO MODURA

Sagardo Eguna ospatu zuten atzo Donostian, Euskal Jaien egitarauaren barruan. 40 sagardotegik parte hartu zuten, eta bertsolariak omendu zituen Gipuzkoako Sagardogileen Elkarteak. Berrikuntza eta guzti iritsi da, gainera, aurtengo Sagardo Eguna: idi pareek tiratako karreto barriketan eraman zuten uzta berriko lehen muztioa Konstituzio Plazara, garai batean bezala. Bidean, muztioa probatzekoa aukera izan zuen jendeak. Giro ederra sortu zen, hortaz.