San Nikolasi itxaron gabe hasiko dituzte jaiak Orion

ORIO. Larunbatean hasiko dira jaiak Orion (Gipuzkoa). Santuaren eguna astelehenean bada ere, larunbatean hasiko dira jaiak; koadrilen eguna izango dute, eta egun horretarako antolatu dituzte jokoak, pilota partidak eta kontzertuak. Igandean, San Nikolas bezperan, txupinazoa botako dute, 13:00etan. Eta astelehenean, meza nagusia eta bertso saioa egingo dituzte.