Gora Iruñea plataformari eskatutako gunea ukatu dio Iruñeko Udalak. Runa parkea aukeratu dute —plataformak eskatutako gunea, hain zuzen—udalaren jarrera «itxia» eta jaien «eredu pribatizatzailearen inposizioa» salatzeko.
Udaleko oposizioarekin elkarlanean daudela azaldu, eta oposizio guztiak izandako jarrera goraipatu du plataformak. Halaber, Enrique Maia alkateari bilera eskatu diote. Askotariko ekitaldiz beteriko egitaraua osatua zutela azaldu dute, eta aurrera eramateko prest agertu dira, nahiz eta beraiek nahi zuten gunean ez izan.
Interes ekonomikoak direla eta, jaien nortasuna galtzeko arriskuan dagoela ohartarazi, eta horren kontra «gogor eta tinko» erantzungo dutela adierazi dute. Gaur 21:00etan Udaletxe plazan elkartzeko deia dute.
Nafarroa Oinez-en txosna
Egitarau oparoa antolatu du sanferminetarako Nafarroa Oinez-eko Jarduera Batzordeak. Takoneran Oinez Txosna jarriko dute, eta jarduera berezia prestatu dute San Fermin egunaren bezperarako: txupinazoa zuzenean ikusteko aukera emango dute plasma pantaila baten bidez. Bestalde, euskal folkloreaz, dantza emanaldiez, rock kontzertuez eta euskal musikaz gozatzeko aukera izango da txosnan. Txosneko ekitaldi batzuk udalak antolatuak dira; besteak, berriz, Nafarroa Oinez 2012ko Jarduera Batzordeak. Jarduera guztien orduak www.nafarroaoinez.net webgunean ikus daitezke.
Sanferminetako gunea ukatu dio Iruñeko Udalak Gora Iruñea plataformari
Udalaren jarrera «itxia» eta jaien «eredu pribatizatzailea» salatu, eta parte hartzeko jaiak aldarrikatu dituzte
Iruzkinak
Ez dago iruzkinik
Ordenatu
