Sesamo haziak

Sesamo haziak India eta Afrikako izen bereko landaretik eratorriak dira. Gaur egun produktu asko dira osagai gisa sesamoa daramatenak, opil, ogi eta gailetak batez ere. Bestalde, hainbat entsalada, pasta eta arrozari gehituta ere izugarri aberasten da jakia, zapore eta nutritizio aldetik.

Izan ere, sesamoa aberatsa da proteina, koipe asegabe eta lezitinan. Koipe onuragarri eta lezitinaren funtzioetako bat odoleko kolesterol kaltegarriaren maila gutxitzea da, horixe da sesamoaren propietate garrantzitsu bat.

598 Kcal inguru ditu 100 gramoko, eta oso aberatsa da kaltzioa (670 mg 100 gramoko), burdina (10 mg 100 gramoko) eta zinka (5 mg 100 gramoko) moduko gatz mineraletan, baita E eta B taldeko bitaminetan ere.

Sesamo haziekin gurinaren antzekoa den tahin izeneko pasta bat osatzen da. Zalantzarik gabe dituen koipe motak kontuan izanik, gurina edo margarinaren ordezko osasuntsua izango litzateke.