Sete Sois Sete Luas folk jaialdia hasiko da bihar

SOPELA. Bihar hasi eta igandera arte egingo dute Sete Sois Sete Luas folk jaialdia Sopelako Udaleko plazan (Bizkaia). Guztira hiru kontzertu izango dira. Lehena, La Vox de 7 Sois taldeak emango du, bihar, 22:00etan. Larunbatean, Mario Incundine italiarren txanda izango da, eta, igandean, Siziliako Piccola Banda Icona taldeak itxiko du musika eskaintza 20:00etan.