Sheve Peña saria Elgetako ekitaldian aukeratuko dute

Urtero banatu ohi du EMFk iraupen luzeko ibilaldiei dagokion Sheve Peña saria, baina iazkoaren bidetik aurten ere Elgetan egingo duten ekitaldian aukeratuko dute saritua, martxoaren 13an. Bertara joaten diren ibiltariek aukeratuko dute 2010. urteari dagokion ibiltari saritua. Finalista festa mendi ibilaldi batekin hasiko dute, 07:15ean. Goiz buelta izango da eta Udalaitz mendia igoko dute. Bazkaritarako aukera izango da ondoren, Elgetako Espaloia antzokian, eta bazkalondoan aukeratuko dute Sheve Peña saria. Argibideak: www.emf-fvm.com.