Skatezaleen topalekua

Europako punta-puntako patinatzaileen jauzi akrobatikoez gozatu eta, bide batez, skateko hainbat marka berritze ikusi:bi gauza horiek egingo ahal dira asteburuan Irungo Ficoba erakustazokan izango den Sportjam azokan.

Nazioarteko patinatzaile hoberenak bilduko dira larunbatean eta igandean Irunen. Frantzia, Italia, Brasil, Portugal eta Espainiatik etorritako 150 patinatzaile lehiatuko dira hainbat estilotako txapelketetan. Kanpotarrez gain, etorkizun handiko bertako patinatzaile gazteek ere izango dute beren abilezia erakusteko aukera.

Street, mini-ramp eta game of skate estiloko lehiaketak antolatzeko, Ficoba erakustazoka skate parke erraldoia bilakatuko dute. Guztira, 2.000 metro koadro hartuko ditu jauziak eta akrobaziak egiteko guneak. Hamar metro luzerako malda ere prestatu dute ikuskizunerako.

Ez dira txapelketetan parte hartuko duten patinatzaileakizango prestaturiko maldetan gora eta behera ibiliko diren bakarrak. Sportjam azokaren filosofia, izan ere, profesional eta zaleentzako skate guneak eskaintzea da. Horregatik, azokara gerturatzen den patinatzaile orok izango du skatean ibiltzeko aukera. Egurrezko oztopoz beteriko 200 metro koadro prestatu dituzte zaleen gozamenerako.

Patinarekin aritzeko guneazgain, Sportjam azokak skate produktuz jositako erakusmahaiakere izango ditu. Hainbat etxeren produktuak eskuratu ahal izango dituzte bertaratzen direnek. Horien artean, Skate-home etxea izango da. Etxebizitza apaintzeko skatearekin zerikusia duten produktuak eskaintzen ditu Valentziako etxe horrek (Herrialde Katalanak).

Larunbat eguerdian irekiko dute azoka. Txapelketen sailkatze saioak egingo dituzte 14:00etatik aurrera. Halaber, scooter freestyle erakustaldia egingo dute 19:00etan. Aurtengo azokako berrikuntzarik nabarmenena izango da.

Igandean ere izango da zer ikusi. Lehiaketetako finalak arratsaldean jokatuko dituzte. 5.000 euroren sariak banatuko dituzte irabazleen artean.

Azokan 15:00ak baino lehenago sartuz gero, bi txartel erosita bat oparituko zaie bisitariei, www.sportjam.com webguneko kupoia inprimatu eta erakutsiz gero. Bost euroren truke eros daiteke txartela leihatilan.

SPORTJAM AZOKA

Non. Irunen, Ficoba erakustazokan.

Noiz. Larunbat eta igandean.