Gitarrak zorrozten jardun dira Donostiako Larratxo kultur etxean. Agertokia prest dago, eta airean rock usaina aditu daiteke dagoeneko. 19:30ean, mundu osoko hainbat rock, punk eta metal taldek hasiera emango diote Etengabeko Zarataren IX. Jaialdiari, betiko hard rock formula aldarrikatzeko.
Musika jaialdiaren bederatzigarren urteurrena egingo dute aurten, eta dagoeneko nazioartean zeresan handia eman du jaialdiak. Aurten formatua aldatu egin dute antolatzaileek: zarata festa bi egunekoa izan beharrean, egun bakarrekoa izango da. Hala ere, antolatzaileek adierazi dute laburragoa izango den arren «nazioarteak inoiz baino tarte gehiago» izango duela.
Etxeko talde batekin hasiko da aurtengo ekitaldia. Donostiako Hell Division taldea izango da agertokira igotzen lehena, eta metal-punk doinuak joko ditu. Jarraian, Mexikoko Inservibles eta Alemaniako Cancer Clan taldeek kontzertu bana egingo dute.
Weekend Nachos hardcore taldeak joko du gero, eta Ameriketako Estatu Batuetako Acephalix laukoteak death metal soinuak eskainiko ditu jardunaldia amaitzen joateko. Impact taldeak emango dio amaiera aurtengo ekitaldiari.
ETENGABEKO ZARATAREN IX.JAIALDIA
Non. Donostiako Larratxo kultur etxean.
Noiz. Gaur, 19:30ean.
Soinu langa lehertuko dute
Etengabeko Zarataren IX. Jaialdia ospatuko dute gaur Donostian, rock, metal eta hardcore hotsen bilgunea
Iruzkinak
Ez dago iruzkinik
Ordenatu
