Tele K katea ixteko agindu du Madrilgo erkidegoak

TELEBISTA. Madrilgo erkidegoko gobernu kontseiluko idazkari nagusi Jose Luis Martinez-Almeidak Tele K telebista katea ixteko agindu du. Emanaldiak bertan behera uzten ez badituzte, eguneko 30.000 euroko isuna jarriko diote kateari. Horrez gain, Canal 33 eta iSolidaridad tv kateak ixteko ere agindu du. Tele K-ko kideek adierazi dute aberasteko asmorik gabe emititzeko lizentzia badutela eta 19 urtean ez dutela zigor espedienterik jaso legez kanpoko emanaldiengatik. Datorren astean batzar orokorra egingo dute.