Telemadrideko langileen erdiak kaleratuko dituzte

TELEBISTA. Madrilgo erkidegoko gobernuak sindikatuei iragarri die erregulazio espediente bat irekiko dutela, Telemadrideko 600 langileri eragingo diena. Gaur egun, 1.175 langile daude kate horretan, eta, horrenbestez, lan taldearen erdia kaleratuko dute. Telemadridek 242 milioi euroko zorra du; erkidegoko gobernuak azaldu du telebista katea pribatizatzeko asmoa duela. Gaztela-Mantxako katea ere pribatizatzeko bidean da.