Temple 1 kometaren argazkiak jaso ditu NASAk

Astelehenean Temple 1 kometatik 200 kilometro ingurura pasatu zen Stardust zunda. Kometaren argazkiak atera zituen, eta dagoeneko NASAk jaso ditu. 72 irudi dira; sei Interneten daude eskura. 2005ean, Deep Impact espaziontziak Temple 1 kometara lehergailu bat jaurti zuen, kometaren osaketa ikertzeko (haren hautsa). Orduan eragindako kraterra ikus daiteke orain ateratako argazkietan.