Chuck Prophetek hogei urte baino gehiago egin ditu musika munduan. The Clash punk taldearen London Calling diskoaren abestiak kantatuko ditu. The Chash taldea 1976tik 1986ra arte kontzertuz kontzertu ibili bazen ere, taldekideen arteko haserreak banandu zituenetik haiek zuzenean ikusteko aukerarik ez da izan; Prophetek haien kantuak abestuko ditu.
Ez da lehen aldia album oso bat hartu eta berak abesten duena. Ez du birmoldatzen, ezta bertsiorik egiten ere, gustuko taldearen diskoa hartu eta bere ahotsa jartzen dio soil-soilik. Dreaming Waylon's dreams izenburupean egin zuen, 2007an, Waylon Jenningsen Dreaming my dreams disko klasikoarekin.
Prophet Green on Red taldean hasi zen 80ko hamarkadan, Dan Stuart eta Chris Cacavas rockaren izarrekin batera, eta hiru disko kaleratu zituen. Taldea oraindik apurtu gabe baldin bazegoen ere, bere lehen bakarkako diskoa atera zuen: Brother Aldo. Haren ahotsak eta gitarrak indarra hartzen joan dira urtez urte, azken diskoko piezarik garrantzitsuenak bihurtu arte. Diskorik arrakastatsuena eta ezagunena Homemada Blood baldin badu ere, azken diskoa egin duen onena da askorentzat: ¡Let Freedom Ring!
Kontzertuan, The Spanish Bombs taldearekin batera arituko da.
CHUCK PROPHET
Non. Donostiako Doka kafe antzokian.
Noiz. Gaur, 21:00etan.
Sarrera. 12 euro.
The Clash, profetaren bidez
The Spanish Bombs taldearekin batera arituko da Chuck Prophet, Donostiako Doka kafe antzokian
Iruzkinak
Ez dago iruzkinik
Ordenatu
