'The New York Times'-en eduki digitalak, ordainpeko

INTERNET. Martxoaren 28tik aurrera The New York Times egunkariak bere eduki digital guztiengatik kobratuko du. Hiru kuota izango dituzte: lehena, smartphone telefonoetakoa (hilean, 15 dolar); bigarrenak Interneteko edizioa eta tabletako aplikazioa bilduko ditu (hilean, 20 dolar); eta hirugarrenak bitarteko eta eduki guztietarako sarbidea emango du (hilean, 35 dolar). Paperezko harpidedunek eskaintza digital osoa doan izango dute eskura.