'The Newsroom' Canal+ katean hasiko da gaur

TELEBISTA. Hollywoodeko gidoilari eta ekoizle garrantzitsuenetakoa da Aaron Sorkin. Eta HBO katearentzat berak sortutako The Newsroom telesailak zer esana eman du azkeneko hilabeteetan. Espainiako Canal+ ordainpeko katean gaur gauetik aurrera ikusi ahalko da ekoizpen hori (telesailari buruzko saio bereziak ere emango dituzte). Komunikabideen munduan eta, bereziki, telebistako albistegienean murgiltzen da telesaila. Jeff Daniels aktoreak jokatzen du rol protagonista: Will McAvoy kazetari eta aurkezlea. Emily Mortimer da beste aktore nagusia.