Animaziozko saio zaharrena da The Simpsons. Eta bihar iluntzean Fox kateak 500. atala emango du. Atal berezi horretako gonbidatua Julian Assange Wikileaksen sortzailea izango da. Assangeren pertsonaia topatuko dute Homerrek eta Margek. Eta Assangek berak jarriko dio ahotsa animaziozko pertsonaiari.
Fox kateak hainbat ekitaldi antolatu ditu azkeneko egunetan, marrazki bizidunen 500. atala dela eta. Horietako bat Los Angelesen egin dute. Ehun lagun gonbidatu zituzten saioaren 500 atalak jarraian ikustera. Bi lagunek lortu zuten atal guztiak ikustea, eta, horretarako, 86 ordu eta 37 minutu pasa zituzten pantaila aurrean. Modu horretan Guinness liburuan sartu dira.
Komunikazioa
'The Simpsons' 500. atalera iritsiko da bihar
Bi amerikarrek 500 atalak ikusi dituzte jarraian 86 orduan, eta Guinness liburuan sartu dira
Iruzkinak
Ez dago iruzkinik
Ordenatu
