Uztailaren 15ko estatu kolpe saiakeraren ondoren ezarritako Larrialdi Egoeraz baliatuta, hamabi telebista kate ixteko agindu du Turkiako Gobernuak.
Kateak "kurduak", "ezkertiarrak" edo "alawiak" (xiitak) direla esan du hango prentsak. Itzalitakoen artean, kurduerazko lau telebista daude; besteak beste, haurrentzako lehen katea: Zarok TV. Kurdueraz eta turkieraz emititzen zuten beste hiru kate itxi dituzte, eta, turkieraz izan arren, kurduen aldekotzat jotako beste hiru.
Uztailetik, 2.300 kazetari kalean utzi ditu Turkiako Gobernuak, haien hedabideak itxita.
