TVEk %15eko gutxieneko zerbitzuak nahi ditu 29an

TELEBISTA. Datorren asteazkenean, irailak 29, egingo den greba orokorra dela eta, Telediario albistegiak mantentzea eta %15eko gutxieneko zerbitzuak jartzea proposatu die RTVEk sindikatuei. Negoziatzen aritu dira sindikatuak eta hedabide publikoko zuzendaritza azken asteotan, baina ez dira ados jarri. Sindikatuek albistegiak laburtzeko eskatzen zuten. Litekeena da Espainiako Gobernuak apirilaren 30eko grebako moduko gutxieneko zerbitzuak ezartzea dekretu bidez.