TVEk 169 milioi euro gastatuko ditu kirolean

TELEBISTA. 2012. urtean, TVEk 169,17 milioi euroko inbertsioa egingo du kirol eskubideetan. Horietatik 70 milioi Londresko Olinpiar Jokoak emateko erabiliko dituzte. Zinema eskubideetan, 46,5 milioi gastatuko ditu Espainiako telebista publikoak, eta fikzioan, 20,4 milioi. Clan TVE haurrentzako katearen eskubideek 3,7 milioiko kostua dute. Bestalde, La1 kateko La mañana, Corazón de eta +Gente magazinak aurreneko aldiz ez dituzte egingo uztailean eta abuztuan. Hiru programa horietako langileen kontratuak etenda geldituko dira.